શાયરી ના સાગર માં આપનું સ્વાગત છે

મંગળવાર, 1 ફેબ્રુઆરી, 2011

કોને કહું શું કહું, આ ઉર મહીં શી આગ છે,
મુજ નજરમાં તો વિરાન આખો બાગ છે,
જોઈ કાળો તલ ગુલાબી ગાલો પર હરખાવના
દિલ બળી તણખો ઉડ્યો, એનો પડેલો દાગ છે.

શ્વાસમાં સમાયેલું એક તારું નામ છે,
એ નામને દિલબર હજારો સલામ છે,
આમ જુઓ તો કામ કાંઈ જ નથી,
અને આમ જુઓ તો ક્યાં આરામ છે.

જિંદગીના રાહ પર ખુશી મળે કે ગમ,
બધું છોડી દીધું છે તારા નામ પર સનમ,
તારા સ્પર્શથી બની જશે હકીકત,
તું દૂર રહીશ તો રહી જશે ભરમ.

નયનની કીકીમાં તમારી તસ્વીર છે,
તમારો પ્યાર મળે એજ તકદીર છે,
દિલ તમારું ઝુલ્ફોમાં બાંધી લઈશ,
તમે કહેશો કે સુંવાળી જંજીર છે.

તમારી યાદમાં તડપતા વીતે છે રાત,
કઈ કેટલીય તમન્ના પછી થાય મુલાકાત,
હજુ દિલ ભરીને જોઈ પણ શકતો નથી,
કઈ રીતે કરું ત્યાં તમને દિલની વાત.

અંતરમાં બસ એક તમારી યાદ છે,
એ યાદથી જ અંતર આબાદ છે,
બસ તમારી સાથે વાત થતી નથી,
એટલી જ અંતરને ફરિયાદ છે.

તારી રજા લીધા વગર જ પ્રિયા,
મેં ફૂલો ખીલાવ્યા છે બાગમાં,
હું સાઝ વગાડતો રહીશ સદા,
મળશું ક્યારેક સૂરમાં કે રાગમાં.